Fededun euskaldunen biltzarra Loiolan

Gaur aurkeztu da, Loiolan, Fededun euskaldunen biltzarra.

33 fededun bilatzaile batu gara Loiolako basilikaren gerizpean, gure fede bizipena partekatzeko.

Otoitz txiki bategaz Kepa Aranbarrik girotu dau topaketea.

Ondoren aurkezpen lasai bat. Gehienak laikoak, bost abade ere bai, Iparralde, Nafarroa, Araba, Gipuzkoa eta Bizkaiatik etorriak.

Kafearen ostean gogoeta hasi da. Arlo ezbardinak landu dira, eta zehaztuteko aukerea bazkal osteko lanaldian burutu da.

Batzorde eragile bat izendatu da boluntarioekaz, eta hurrengo batzarra martxoaren 13-15era izango da, espiritualtasuna, gogoeta eta kultura josiz.

Sarea, foroa, bidez bide, euskal herriko kristauak... izen definitiboa zehaztuteko geratu da, baina jende gehiago gonbidatzeko eta aurrera egiteko asmoagaz.

Jubileroaren otoitzagaz amaitu dogu, Peio Ospitalek lagundurik Bake-mina abestuz.

Txalo bero bat Koldo Katxori topaketa hain egoki prestatzeagitik.

Aurkezpenak gure bikaritzan

Talde honen barri emoteko aurkezpen bi ospatuko dira gurean:

Gernikan, urriaren 3an, barikua, arratsaldeko 7etan, San Bartolome parrokian. Agurtzane Mallonak lagunduko deusku. Bera itzultzailea da lanbidez Deustuko Unibertsitatean eta Liturgia laguntzailea Mungiako parrokian.

Bermeon, urriaren 5ean, domekea, 12etako meza ostean Santa Eufemia parrokian.