Gernikako 3 orduak

Zapatu hotz eta euritsuan, goizeko 10etan, emon geutsan hasiera  ekitaldiari Elai-Alai aretoan, Joanan Fernandezen hitzaldiaz. Hitzaldiaren goiburua  BERRADISKIDETZEA, AURREKARI ETIKOAK izan zan.

Berak azpimarratutako ideia batzuk: Berradiskidetzearen definizioa argituz hasi zan. Berradiskidetzea  alkar errespetatuz eta alkar onartuz lortzen dan egoera barria dala. Ekintza honen subjetua gizartea izan behar dala. Berak estrategia lez  begirada barri bat eraiki beharra ikusten eban orainari, iraganari eta etorkizunari begiratuz. Iraganari begiratuz kritikaz aztertu beharra. Orainari begiratuz gizatartu (humanizatu) beharra. Etorkizunari begiratuz prebentzioa, horrelakorik barriro suertatu ez daiten.

Hitzaldi  argigarria izan zan. 

Hitzaldia amaitu ondoren, Jonan Fernandezi itaun batzuk egiteko aukera egon zan. Berandutu egin zanez, ez zan talde lana egiteko astirik egon.

Atseden txiki baten ondoren, Andra Mari parrokiara igon genduan.

12,15ean emon jakon hasiera otoitzaldiari.

“Bake eta adiskidetze bidea luzea eta neketsua izango dala iruditzen jaku. Horregatik gatoz otoitz egitera, eginbehar horretan indarrak falta ez dakiguzan” esaten zan hasierako oharrean. Horretara  joan ginan elizara: Jainkoari, etsi barik,  aurrera jarraitzeko guztiontzat adorea eta laguntza  eskatzera. 

Elizkizunean erabili izan ziran irudiak adierazgarriak  eta esanahi handikoak izan ziran:  Haizkoreak  zauriz eta sufrimenduz beteriko eta gainditu beharreko lehena irudikatzen eban;  haizkorearen zaurian jarritako landarak barriz  bakezko eta beradiskidetasunezko etorkizun itxaropentsua aldarrikatzen eban. Ordu batak aldera amaitu zan ekitaldia.

Oso ondo, txukun eta egokia ekintza guztia. Zorionak antolatzaileei!